Адаптиран ProfilPASS

ProfilPASS за жени – Ние можеме! им е наменет на жените кои сакаат да се реориентираат и да ја променат нивната работна ситуација, како и на советници што работат со жени изложени на ризик од сиромаштија.

Со помош на ProfilPASS за жени – Ние можеме! се поддржува советодавната работа и проценката на компетенции на жени, во поглед на нивната (ре)интеграција во пазарот на труд и во социјалните системи. Целта е да се поттикнат жените во поглед на нивните компетенции и да се иницираат промени, да им се пружи охрабрување и поддршка да си ги следат амбициите и да искористат можностите за вработување, образование или пак обука. Како основа беше земен оригиналниот ProfilPASS и беше адаптиран за специфичните потреби и животни ситуации на жените од Германија, Северна Македонија, Србија и Словенија.

ProfilPASS за жени – Ние можеме! се карактеризира со следниве прилагодувања, направени според целната група:

Содржинска адаптација преку додавањето на специфични поглавја кои ја одразуваат реалноста на животот на жените, вклучувајќи ги тука „Моите семејни активности“, „Грижа за другите“ и „Грижа за себеси“. Од една страна, треба да се одбегнуваат половите стереотипи, но од друга пак, треба да се прифатат реалните животни околности.

Советниците се охрабрени да иницираат групни сесии за да обезбедат посигурен простор во кој жените би ги споделувале своите искуства и идни планови со други жени во слични животни ситуации, и за да промовираат меѓусебно храбрење.

ProfilPASS за жени- Ние можеме!

Јазични адаптации преку користење на полово-сензитивен јазик прилагоден на националниот контекст во проектните земји. Јазични прилагодувања преку користење на полово – сензитивен јазик, прилагоден кон националниот контекст во земјите вклучени во проектот. Во секој од случаите е избрана јазичната варијанта која е најинклузивна и најприфатена во моментот на развивањето на инструментот.

Адаптиран ProfilPASS